junio 2026 – CLÚSTER NÁUTICO RÍAS BAIXAS

Anota ben as datas no teu calendario: do xoves 11 ao domingo 14 de xuño de 2026, a Ría de Vigo converterase no escenario principal dun amplo programa deseñado para que a cidadanía goce ao máximo do noso mar.

Co obxectivo de dar a coñecer e achegar a gran riqueza e diversidade de actividades náuticas que ofrece a nosa contorna, un ano máis, dende o Clúster Náutico Rías Baixas volvemos poñer en marcha o Festival Azul.

Durante estes catro días, os asistentes poderán vivir experiencias únicas que van desde o deporte máis activo con Bautismo de Surf, ata o lecer máis relaxante e cultural con Paddle Surf Pilates ou un atardecer nunha goleta.

A maiores, ¡este ano lanzamos a nosa nova Regata de Vela «Velas polo Alzheimer»! Queremos convidarte a formar parte dun evento único que une a paixón polo mar e a solidariedade, axudando a visibilizar e apoiar de preto esta causa na Ría de Vigo.

As prazas para todas as actividades son limitadas, polo que che recomendamos que non o deixes para o final e asegures a túa o antes posible.

Para participar, só tes que consultar o programa completo e preinscribirte a través dos nosos formularios en liña.

Podes facer clic directamente na ligazón xeral que atoparás aquí abaixo para acceder ao espazo de inscrición, ou premer na actividade que máis che interese dentro do listado. Unha vez cuberto o formulario, porémonos en contacto contigo para formalizar a túa reserva.